IX ANCUONTRO DE BLOGUEIROS DE L PRAINO 20 de Agosto de 2016

PORGRAMA 
1)
-Pulas 9h 30m Miranda dará las buonas-benidas a las puortas de la Senhora de l Amparo.
- Pulas 10h antraremos na Casa de las Quatro Squinas (Casa da Lhéngua Mirandesa). Será neste sfergante que Júlio Meirinhos, Alfredo Cameirão e Fernando Subtil ban a dezir uas palabras acerca de la cultura mirandesa. Neste spácio tamien yá sabemos que la palabra ye para cumpartir.
Eiqui, un taquito bem mesmo a modo (yá stamos aquestumados a uas lhambiçqueirices de ls mardomos).
11h 30m - Passaremos de camino pul Salon Nobre de ls Paços de l Cunceilho, adonde mos spera l Persidente Artur Nunes, un mirandés que siempre fizo gusto an star cun nós neste juntouro.
12h - Dinis Meirinhos stará cula sue guitarra i ls afinadíssemos acordes, na amponiente Cuncatedral de Miranda de l Douro, la nuossa Sé Catedral.
13h 30m - L'almuorço será serbido ne l PUIAL DE L DOURO, an Aldé Nuoba i tenerá honras de mesa cun tradiçon.

2)
Pula tarde …
Pula tarde, teneremos inda l blogueiro Domingos Raposo que mos falará de cousas de la tierra i de las gientes.
Será an S. Juan de las Arribas que testos (pequeinhos) an poesie i prosa bolaran subre un riu que fai ls ancantos de l mundo anteiro. Se quejirdes traei un lhenço tabaqueiro al cachaço i ua bota (cun bino) al ombro, pieças amportantes na bida dun stramuntano.
Tornaremos al Puial de l Douro para uas cantiguitas de çpedida i un mordico.

L précio ye de 15 mirandesadas.

Fazeremos por todos un cumbíbio adbertido an que l´amisade i la cultura se poularan.

Sós ua frol ne l camino
çfrente de todas.
Ye l´alegrie,
la gana de bibir
i spargir la cultura mirandesa
que te fai un blogueiro de l Praino.

Assenta-te mesmo eiqui ou pul telfone.

Ls mardomos:
Tresa Almeida Sutil – 914 748 784
Delaide Munteiro _ 918 217 183
Tiegui Albes _ 968 138 843

sentaba-se l berano nun piquete

agora, abaixo la lhadeira acontra adonde bota raízes la selombra, mas, hai sessenta anhos, sentaba-se l berano nun piquete i cegában-me de grima ls amarielhos de fuogo de l camino, calcetado cula matéria que un die habie de salir pulas puntas de ls dedos arrepassados pulas frechas de las arreganhas de las trigueiras, zaspero de nun achar berde adonde pacíran lhargos anhos, las fuontes drobadas al çurriago manso de ls airicos, las palabras batendo sues alas carregadas de mimória; quei te poderei dezir agora se ls uolhos yá mal te ban alhá de ls passos de nubrina? talbeç que Mozart te pintaba a la tarchica, mas nun hai modo de sanares de ls suonhos que un die me sumbreste puis cul braço sumbrador se te fui la claridade, agora que ralamente tapas l pelo cul lhienço i mais çclaradamente se bei adonde se te colgou l eimbierno; bien gustarie de te saber ls caminos que arrepassórun zertos i outibales, mas las piernas yá nun te áchan modo de ls dezir i la gana nun te chega a rumper ls dies nubrados; ls que agora me guárdan la soledade de l camino tórnan mais claro l cuntraste de la selombra, déixan-me las lhágrimas mais a la borda de l portielho; cumo m’ancarambina esta calor que ben de ls anhos a roçar uns ne ls outros, licion de ls ampeços de quando l fuogo se çcubriu, i a cada die se négan a ser las mortalhas que de todo you se me debélgan; assi i todo, inda queda ua spera que, de serena, nunca ha de tener priessa, assi cumo apedurar l camino cúrtio a fazer rendir las guapas bistas, inda queda l correr líquido de la dureç de ls dies dóndios, las fuontes de la música, la brecha na barrila de ls anhos por adonde se bai sumindo l tiempo húmado, mas sobra-me siempre ua risa i un aceinho a la madrugada.

Júlio 29, 2010, in fuontes de l aire

Zenízio - Atebidade cultural

http://www.cm-mdouro.pt/frontoffice/pages/155?event_id=77

Burro I L Gueiteiro” estão a chegar. De 27 a 31 de Julho a Aldeia de Genísio, Especiosa e São Martinho de Angueira, no Concelho de Miranda do Douro, recebem mais uma edição desta iniciativa que leva até ao planalto mirandês um ambiente de festa.